Fotbolti.net
17.11.26 - 06:00
Brynjar Ingi Erluson

Newcastle ætlar ekki að selja Hall

Newcastle ætlar ekki að selja Hall
Canon

Mynd: EPA

Lewis Hall, vinstri bakvörður Newcastle United, er enn á óskalista Manchester United og undirbýr Newcastle sig nú undir að rauðu djöflarnir geri aðra tilraun til að fá hann þegar félagaskiptaglugginn opnar í janúar.
Man Utd hafði mikinn áhuga á Hall í sumar, enda hefur félagið verið í talsverðum vandræðum með bakvarðarstöðuna, en Newcastle var ekki tilbúið að selja hann.

Hall hefur staðið sig vel með bæði Newcastle og enska landsliðinu og samkvæmt Times gera stjórnarmenn Newcastle ráð fyrir því að United reyni aftur að fá hann í janúar.

Hann er einmitt sú týpa af leikmanni sem Mauricio Pochettino, nýr stjóri United, er að leita að. Newcastle ætlar þó að halda fast við sína afstöðu og neita að selja hann, sérstaklega á miðju tímabili.

Man Utd er því einnig að skoða aðra kosti og er Pochettino sagður hafa mikinn áhuga á Calvin Bassey, miðverði Fulham. Bassey getur einnig leyst af í bakvarðarstöðunni og myndi fjölhæfni hans nýtast vel í varnarlínu United.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.