Enska knattspyrnusambandið hefur gefið það út að hinn árlegi leikur um Samfélagsskjöldinn verði tvíhöfði þetta árið.
Í leiknum um Samfélagsskjöldinn mætast deildarmeistararnir og bikarmeistararnir á Englandi.
Viðureignin fer fram 29. ágúst á Wembley og verður þá leikið um bæði Samfélagsskjöld karla og kvenna.
Leikurinn um Samfélagsskjöld kvenna fer fram í fyrsta sinn síðan 2008. Englandsmeistarar Chelsea munu mæta ríkjandi bikarmeisturum Manchester City. Leikurinn hefst 11:30 að íslenskum tíma.
Klukkan 15:30 hefst svo leikur Liverpool og Arsenal um Samfélagsskjöld karla.
Báðir leikir fara fram án áhorfenda vegna kórónuveirunnar.
Athugasemdir