mið 13. janúar 2021 06:00
Guðmundur Aðalsteinn Ásgeirsson
Byrjendanámskeið fyrir dómara 14. janúar
Mynd: Fótbolti.net - Hafliði Breiðfjörð
Byrjendanámskeið fyrir dómara verður haldið í höfuðstöðvum KSÍ fimmtudaginn 14. janúar kl. 17:00.

Ókeypis aðgangur er á námskeiðið, sem stendur yfir í um tvær klukkustundir og er öllum opið sem náð hafa 15 ára aldri.

Vegna samkomutakmarkana er fjöldi þátttakenda á námskeiðinu þó takmarkaður við 20 (að kennara meðtöldum). Grímuskylda er við komu og brottför, en ekki á námskeiðinu sjálfu þar sem hægt er að tryggja viðeigandi fjarlægðarmörk.

Á námskeiðinu er lögð aðaláhersla á knattspyrnulögin en auk þess verður einnig farið yfir ýmis konar kynningarefni, fræðsluefni, skýringar og skýringarmyndir. Námskeiðinu lýkur með skriflegu prófi. Sá sem lýkur unglingadómaraprófi hefur rétt á að dæma í 4. flokki og neðar ásamt því að vera aðstoðardómari upp í 2. flokk. 100% viðvera á námskeiðinu er skilyrði.

Skráning er hafin (áhugasamir aðilar sendi tölvupóst á [email protected]). Einungis staðfestar skráningar gefa rétt til setu á námskeiðinu.
Athugasemdir
banner
banner
banner
banner