Það styttist í annan endann á keppnistímabilinu í stærstu deildum í Evrópu.

Það fara fram tveir áhugaverðir leikir í ensku úrvalsdeildinni í dag. Það er stórleikur á Old Trafford þar sem heimamenn í Manchester United fá erkifjendur sína í Liverpool í heimsókn.

Þessi leikur átti að fara fram í byrjun þessa mánaðar en það þurfti að fresta honum. Leikurinn fór ekki fram vegna mótmæla stuðningsmanna Man Utd fyrir utan Old Trafford. Stuðningsmönnunum tókst að ryðja sér leið inn á völlinn og í búningsklefa áður en leikmenn áttu að mæta á völlinn.

Stuðningsmenn Rauðu djöflanna mættu á völlinn til að mótmæla eignarhaldi Glazer fjölskyldunnar á félaginu og tókst að láta fresta stórleiknum.

Hann fer fram í dag en það er mikið leikjaálag hjá Man Utd þessa daganna. Liðið spilaði við Leicester á þriðjudag. Liverpool þarf að vinna í dag til að halda sér í Meistaradeildarbaráttunni.

Gylfi Þór Sigurðsson og félagar í Everton eiga einnig leik í dag, gegn Aston Villa á útivelli. Everton er fyrir leikinn í áttunda sæti og Villa í 11. sæti.

fimmtudagur 13. maí
17:00 Aston Villa - Everton
19:15 Man Utd - Liverpool

Tweet

Senda a Facebook Hafdu samband Senda frétt Prenta frétt Frétta leit