Romano staðfestir áhuga Man Utd
Mynd: EPA
Mynd: EPA
Manchester United hefur áhuga á að fá Frenkie de Jong til félagsins frá Barcelona í sumar segir blaðamaðurinn virti Fabrizio Romano.
De Jong hefur verið orðaður við enska félagið í sumar en hann gæti unnið með Erik ten Hag í Manchester en hann tekur við eftir tímabilið.
De Jong og Ten Hag þekkjast vel en þeir unnu saman hjá Ajax áður en De Jong samdi við Börsunga.
Barcelona er ekki í frábærri fjárhagsstöðu og gæti reynt að losa De Jong sem kostaði 77 milljónir punda árið 2019.
Það eru fáir virtari í félagaskiptamálum og Romano og má því búast við tilboði frá Man Utd í sumarglugganum.
„Það eru viðræður í gangi á milli Manchester United og umboðsmanna Frenkie de Jong, það er rétt," sagði Romano.
„Það er einnig verið að finna út verðmiðann og stöðu leikmannsins. Það er á hreinu að Man Utd hefur áhuga á leikmanninum."
