Spánn um helgina - Vonin lifir hjá Betis og Evrópusæti undir í Villarreal

Evrópu- og fallbaráttan er það eina sem er eftir á Spáni en það gæti allt verið ráðið eftir helgina.

Deportivo Alaves og Mallorca eru í fallsæti en Cadiz er í 17. sæti og síðasta örugga sæti deildarinnar. Cadiz mætir Spánarmeisturum Real Madrid á meðan Alaves mætir Levante, sem féll úr deildinni í gær. Mallorca mætir Rayo Vallecano heima.

Sevilla situr í 4. sætinu sem stendur, síðasta sætinu sem gefur sæti í Meistaradeildina. Liðið er með fimm stiga forystu á nágranna þeirra í Betis þegar tvær umferðir eru eftir. Sevilla fær erfitt verkefni gegn Atlético Madríd á Wanda Metropolitano-leikvanginum en Betis spilar við Granada á heimavelli.

Real Sociedad situr í 6. sætinu sem gefur sæti í Sambandsdeildina en liðið mætir einmitt Villarreal, sem situr í 7. sætinu. Tvö stig eru á milli liðanna og gæti þetta því verið hreinn úrslitaleikur um Evrópusæti.

Leikir helgarinnar:

Laugardagur:
16:30 Espanyol - Valencia
19:00 Celta - Elche

Sunnudagur:
16:30 Athletic - Osasuna
16:30 Atletico Madrid - Sevilla
16:30 Betis - Granada CF
16:30 Mallorca - Vallecano
16:30 Getafe - Barcelona
16:30 Cadiz - Real Madrid
16:30 Levante - Alaves
16:30 Villarreal - Real Sociedad