Atli Guðnason spilaði sem fremsti maður FH í 3-3 jafnteflinu gegn Breiðabliki í síðustu viku á meðan hinn danski Morten Beck byrjaði á bekknum.
Arnar Hallsson leikgreindi leik Breiðabliks og FH og þar talar hann um þessa nálgun hjá Ólafi Kristjánssyni, þjálfara FH.
Arnar Hallsson leikgreindi leik Breiðabliks og FH og þar talar hann um þessa nálgun hjá Ólafi Kristjánssyni, þjálfara FH.
„Það sem var skemmtilegast við nálgun FHinga var að stilla Atla Guðna upp sem falskri 9. Hann tengdi spil milli lína mjög skemmtilega á köflum í leiknum. Hrikalega skemmtileg pæling hjá Óla Kristjáns sem nokkrum sinnum var hársbreidd frá því að bera ávöxt," sagði Arnar í leikgreiningu sinni.
Áhugavert verður að sjá hvort Atli spili áfram í sömu stöðu þegar FH mætir Fylki í kvöld.
Hér að neðan má sjá dæmi úr leiknum um það hvernig Atli spilaði sem fölsk nía.
Smelltu hér til að lesa leikgreiningu Arnars
Dæmi um Atla Guðna sem falska nýju. FH-ingar vinna boltann á miðjum eigin vallarhelmingi. Finna Atla Guðna milli lína sem spilar í fyrsta út á Jónatan. Jónatan leggur af stað og pinnar þannig Damir út til vinstri. Atli Guðna keyrir af stað í svæðið sem myndaðist. Elfar þarf að koma yfir til að loka á Atla og Lennon er mættur í sitt svæði milli bakvarðar og hafsents.
Sennilega ætlaði Atli að fara innanvert á Elfar eða spila á Lennon en missti jafnvægið og sóknin fjaraði út.
Athugasemdir