Það eru tveir leikir í Pepsi Max-karla í dag og þá lýkur tíundu umferð í Pepsi Max-kvenna. Leikið er einnig í Lengjudeild kvenna og í A-riðli 4. deildar.

Það eru Fylkir og KA sem mætast í Árbænum og HK tekur á móti Víkingi í efstu deild karla. HK vann langþráðan sigur á föstudag gegn Fylki og berjast þau neðarlega í töflunni. KA og Víkingur horfa í toppsætin og þarf KA að ná í stig til að halda í við toppliðin.

Á Selfossi mæta heimakonur liði Keflavíkur í hörkuleik. Í Lengjudeildinni er svo Hafnarfjarðarslagur á Kaplakrikavelli.