Það er leikið í Evrópukeppni í þessari viku og verður íslenskur dómari með flautuna í leik á vegum UEFA.
Ívar Orri Kristjánsson dæmir leik The New Saints FC frá Wales og Glentoran FC frá Norður Írlandi í Sambandsdeild Evrópu.
Leikurinn fer fram á heimavelli The New Saints FC, Oswestry, næstkomandi fimmtudag.
Honum til aðstoðar verða þeir Birkir Sigurðarson og Egill Guðvarður Guðlaugsson. Fjórði dómari verður Þorvaldur Árnason.
Það eru fjögur íslensk félagslið að taka þátt í Evrópukeppni í þessari viku. Valur á leik við Dinamo Zagreb frá Króatíu á Hlíðarenda í kvöld. Sá leikur er í forkeppni Meistaradeildarinnar. Svo mæta Breiðablik, FH og Stjarnan til leiks í seinni leikjum sínum í Sambandsdeildinni á fimmtudag.
Athugasemdir
