Sóknarmaðurinn Leonardo Ulloa er búinn að yfirgefa herbúðir Leicester og hefur hann samið við Pachua í Mexíkó.
Ulloa skoraði 20 mörk í 101 leik fyrir Leicester eftir að hann kom frá Brighton árið 2014.
Argentínumaðurinn átti þátt í Englandsmeistaratímabili Leicester 2015/16. Hann skoraði sex mörk í 29 leikjum það tímabil. Á meðal þeirra marka sem hann skoraði það tímabil var sigurmark í 1-0 sigri á Norwich og vítaspyrnumark í uppbótartíma í 2-2 jafntefli gegn Leicester, í leik sem Leicester hafði misst mann af velli með rautt spjald.
Hinn 32 ára gamli Ulloa skoraði líka fyrsta mark Leicester í ensku úrvalsdeildinni í áratug, eftir að liðið hafði komist upp um deild árið 2014.
Á síðasta tímabili varð Ulloa seinni hlutanum á láni hjá Brighton og er hann núna farinn til Mexíkó.
Leicester byrjaði ensku úrvalsdeildina þessa leiktíðina á 2-1 tapi gegn Manchester United á Old Trafford.
Athugasemdir