Hver verður fyrstur til að fá reisupassann? - Carrick talinn næst líklegastur

Sex umferðum er lokið í ensku úrvalsdeildinni og farið að hitna undir nokkrum stjórum.

Mikið hefur verið rætt og ritað um Man Utd undir stjórn Michael Carrick en byrjun liðsins á tímabilinu verður að teljast sem mikil vonbrigði. United er í 13. sæti og hefur aðeins unnið einn leik.

Carrick er talinn næstlíklegastur til að verða látinn taka pokann sinn fyrstur samkvæmt stuðlum veðbanka. Sá sem er talinn líklegastur til að missa starfið er Alvaro Arbeloa, sem tók við Fulham fyrir tímabilið.

Mikel Arteta er talinn vera sá sem er hvað öruggastur í starfi, Fabian Hurzeler og Keith Andrews koma þar á eftir.

Hér að neðan má sjá þá fimm stjóra sem veðbankar telja líklegasta til að verða fyrstir reknir í ensku úrvalsdeildinni.