Renard, sem er nú þekktur heimshornaflakkari, hefur þjálfað Sádi Arabíu frá 2019. Á þessum þremur árum kom hann liðinu á HM og færði liðið upp um nítján sæti á heimslista FIFA.

Nú hefur hann valið hóp sinn fyrir mótið í Katar en það vekur athygli að tveir af þremur markvörðum liðsins eru varamarkverðir í sínum liðum og þá er Mohamed Al-Yami að spila með Al-Ahly í næst efstu deild.

Salman Al-Faraj, miðjumaður liðsins, meiddist á öxl í 1-0 sigrinum á Íslandi á dögunum, en hann er samt sem áður í hópnum og ætti að vera klár fyrir fyrsta leik. Liðið mætir Argentínu, Póllandi og Mexíkó í C-riðli.

Allir leikmennirnir í hópnum spila í heimalandinu en hópinn má sjá í heild sinni hér fyrir neðan.

Markverðir: Mohamed Al-Owais (Al-Hilal), Nawaf Al-Aqidi (Al-Nassr), Mohamed Al-Yami (Al-Ahly).

Varnarmenn: Yasser Al-Shahrani (Al-Hilal), Ali Al-Bulaihi (Al-Hilal), Abdulelah Al-Amri (Al-Nassr), Abdullah Madu (Al-Nassr), Hassan Tambakti (Al-Shabab), Sultan Al-Ghanam (Al-Nassr), Mohammed Al-Breik (Al-Hilal), Saud Abdulhamid (Al-Hilal)

Miðjumenn: Salman Al-Faraj (Al-Hilal), Riyadh Sharahili (Abha), Ali Al-Hassan (Al-Nassr), Mohamed Kanno (Al-Hilal), Abdulelah Al-Malki (Al-Hilal), Sami Al-Najei (Al-Nassr), Abdullah Otayf (Al-Hilal), Nasser Al-Dawsari (Al-Hilal), Abdulrahman Al-Aboud (Ittihad), Salem Al-Dawsari (Al-Hilal), Hattan Bahebri (Al-Shabab)

Framherjar: Fahad Al-Muwallad (Al-Shabab), Haitham Asiri (Al-Ahly), Saleh Al-Shehri (Al-Hilal) Firas Al-Buraikan (Al-Fateh)