Messi hefur verið heitur fyrir framan markið undanfarið og skoraði tvennu fyrir Barcelona í sigrinum.

Argentínumaðurinn hefur nú spilað 505 leiki fyrir Barcelona í La Liga og er það jafn mikið og Xavi gerði á sínum tíma.

Alls hefur Messi spilað 759 leiki fyrir Börsunga en Xavi spilaði 767 leiki í öllum keppnum á miðju liðsins.

Xavi er af mörgum talinn einn besti miðjumaður sögunnar en hann starfar í dag sem þjálfari í Katar hjá Al Sadd.

Xavi lék með Barcelona frá 1998 til 2015 og á einnig að baki 133 landsleiki fyrir Spán.