Þróttur Vogum er að styrkja hópinn sinn fyrir komandi átök í 2. deild og var að fá tvo efnilega Hafnfirðinga yfir til sín.
Annar þeirra er Brynjar Sigþórsson sem lék ellefu leiki fyrir Þrótt í fyrra. Hinn heitir Þórhallur Ísak Guðmundsson og er markvörður fæddur 1999.
Þeir hafa spilað með 2. flokki hjá FH síðustu ár en Þórhallur á eftir að spila keppnisleik í meistaraflokki.
Brynjar er framherji fæddur 1998 og hefur spilað æfingaleiki fyrir meistaraflokk FH.
„Stjórn Knattspyrnudeildar lýsir yfir mikilli ánægju með tryggð þessara leikmanna sem eiga framtíðina fyrir sér í boltanum," segir í tilkynningu Þróttar.
Þróttur endaði um miðja 2. deild síðasta sumar og fékk 33 stig úr 22 leikjum.
Athugasemdir
