FH vann sinn fyrsta sigur á Íslandsmótinu í kvöld er liðið lagði Þór/KA að velli, 1-0, er liðin mættust á Þórsvellinum.

FH hafði tapað öllum fjórum leikjum sínum í deildinni fram að leiknum í kvöld á meðan Þór/KA hafði unnið tvo og tapað einum.

Gestirnir voru betra liðið í fyrri hálfleiknum en eina mark leiksins kom ekki fyrr en á 85. mínútu. Harpa Jóhannsdóttir gerði sig þá seka um slæm mistök í markinu er hún reyndi að sóla sig úr vandræðum en það vildi ekki betur en að Madison Santana Gonzalez rændi af henni boltanum og skoraði í autt markið.

Gríðarlega stór sigur hjá FH og jafnframt fyrsti sigurinn í sumar.