Þrjár íslenskar landsliðskonur eru í liði umferðarinnar eftir 16. umferðina í sænsku kvenna-Allsvenskan. Það er Sportsbladet í Svíþjóð sem velur í liðið og það er Vísir sem vakti fyrst athygli á þessu.
Þetta eru þær Cecilía Rán Rúnarsdóttir, markvörður Örebro, Sif Atladóttir, varnarmaður Kristianstad og Sveindís Jane Jónsdóttir sem er liðsfélagi Sifjar hjá Kristianstad. Þær eru allar í landsliðshópnum sem kemur saman í vikunni fyrir landsleikinn gegn Hollandi eftir viku.
Cecilía átti frábæran leik í marki Örebro þrátt fyrir 2-0 tap gegn Häcken. Hjá Sportsbladet sem markvörð stóru leikjanna.
Sveindís skoraði sigurmark Kristianstad í 1-0 sigri gegn Linköping. Markið var glæsilega vel tekið. Sveindís hafði ekki skorað í fimm leikjum fyrir leikinn um helgina.
Sif var öflug í vörn Kristianstad og var ein stærsta ástæðan fyrir því að það voru ekki skoruð fleiri mörk í leiknum.
Athugasemdir