Veislan hefst í hádeginu á morgun þegar Wolves og West Brom eigast við. Leeds tekur á móti Brighton á meðan Jóhann Berg Guðmundsson og félagar í Burnley heimsækja West Ham. Chelsea kíkir svo til Fulham í Lundúnaslag áður en Leicester og Southampton eigast við í síðasta leik kvöldsins.

Leicester og Southampton eiga sér sögu eftir áhugaverðar rimmur á síðustu leiktíð, þar sem bæði lið unnu útileikina gegn hvoru öðru. Leicester skoraði níu mörk á St. Mary's leikvanginum og vann 0-9.

Á sunnudaginn á Tottenham útileik við botnlið Sheffield United áður en Liverpool og Manchester United eigast við í stórleik helgarinnar.

Liverpool og Man Utd gætu barist um titilinn í ár þar sem aðeins þrjú stig skilja liðin að á toppi deildarinnar. Manchester City er í þriðja sæti með leik til góða og eiga lærisveinar Pep Guardiola heimaleik við Crystal Palace sunnudagskvöldið.

Umferðinni lýkur svo mánudagskvöldið þegar Arsenal tekur á móti Newcastle.

Enski boltinn er sýndur á sportstöðvum Símans.

Laugardagur:
12:30 Wolves - West Brom
15:00 West Ham - Burnley
15:00 Leeds - Brighton
17:30 Fulham - Chelsea
20:00 Leicester - Southampton

Sunnudagur:
12:00 Aston Villa - Everton FRESTAÐ
14:05 Sheffield Utd - Tottenham
16:30 Liverpool - Man Utd
19:15 Man City - Crystal Palace

Mánudagur:
20:00 Arsenal - Newcastle