Byrjunarlið Tottenham og Arsenal: Sarr spilar sinn fyrsta leik - Smith Rowe í hóp

Arsenal situr sem fyrr á toppi deildarinnar og getur liðið náð átta stiga forskoti á Manchester City með sigri í dag. Man City tapaði grannaslagnum gegn Manchester United í gær með tveimur mörkum gegn einu.

Tottenham er í fimmta sæti deildarinnar en liðið vann 4-0 útisigur á Crystal Palace í síðasta deildarleik.

Antonio Conte, stjóri Tottenham, gerir þrjár breytingar frá sigrinum gegn Palace. Pape Sarr spilar sinn fyrsta leik fyrir liðið og þá koma Dejan Kulusevski og Ryan Sessegnon inn fyrir þá Ivan Perisic, Bryan Gil og Oliver Skipp.

Mikel Arteta, stjóri Arsenal, gerir enga breytingu á sínu liði en Emile Smith-Rowe er mættur á bekkinn.

Tottenham: Lloris; Romero, Dier, Lenglet; Doherty, Sarr, Hojbjerg, Sessegnon; Kulusevski, Son, Kane.
(Varamenn: Forster, Skipp, Sanchez, Richarlison, Gil, Royal, Perisic, Davies, Bissouma.)

Arsenal: Ramsdale, White, Saliba, Gabriel, Zinchenko, Partey, Xhaka, Odegaard, Saka, Martinelli, Nketiah.
(Varamenn: Turner, Tierney, Smith Rowe, Holding, Tomiyasu, Vieira, Lokonga, Marquinhos, Smith.)