Spænski vinstr bakvörðurinn Jordi Alba meiddist í 2-1 sigri Barcelona á Getafe í spænsku úrvalsdeildinni í dag en hann þurfti að fara af velli á 22. mínútu.
Antoine Griezmann og Sergio Roberto sáu til þess að Barcelona myndi ná í sigur gegn Getafe í dag en það fór þó mikið bakslag fyrir liðið er Alba meiddist.
Hann meiddist aftan í læri á 22. mínútu og þurfti að fara af velli en Junior Firpo kom inn í hans stað.
Barcelona á mikilvægan leik gegn Napoli í fyrri leik liðanna gegn Napoli þann 25. febrúar og mun Alba að öllum líkindum missa af leiknum.
Hann bætist því á meiðslalista Barcelona en Luis Suarez og Ousmane Dembele eru einnig frá.
Barcelona er í 2. sæti með 52 stig eða jafnmörg og Real Madrid en Madrídingar eru með betri markatölu.
Athugasemdir