Benjamin Sesko og Michael Carrickþ
Enskir fjölmiðlar segja að Manchester United sé búið að leggja fram við Michael Carrick að hann geri tveggja ára samning sem innihaldi möguleika á einu ári til viðbótar. Einhverjir halda því fram að undirskrift gæti farið fram um helgina.
Carrick vildi þó lítið segja um framtíðina þegar hann var spurður á fréttamannafundi í morgun.
Carrick vildi þó lítið segja um framtíðina þegar hann var spurður á fréttamannafundi í morgun.
„Ég skil að þið spyrjið, það eru tveir leikir eftir og ég get ekki sagt mikið meira. Framtíð mín skýrist mjög bráðlega. Það var vitað að þetta myndi ekki koma í ljós fyrr en í lok tímabils, jafnvel eftir tímabilið," segir Carrick.
Manchester United fær Nottingham Forest í heimsókn á sunnudaginn en Carrick er einn af þeim sem eru tilnefndir sem stjóri tímabilsins.
„Að taka þetta stóra skref og komast aftur í Meistaradeildina er gott. Við erum ánægðir með þá vinnu sem við höfum framkvæmt hingað til."
Varðandi stöðuna á hópnum segir Carrick að Casemiro sé klár í leikinn á sunnudag en ólíklegt sé að sóknarmaðurinn Benjamin Sesko geti spilað.
