Vlasic er 20 ára gamall Króati sem spilar framarlega á miðjunni en hann kom við sögu í 19 leikjum Everton á síðasta tímabili og skoraði tvö mörk.

Vlasic var keyptur á 10 milljónir punda í fyrra eftir að hafa verið lykilmaður í liði Hajduk Split í þrjú ár.

Hjá CSKA mun Vlasic spila með Herði Björgvini Magnússyni og félögum sem hafa byrjað tímabilið illa og eru aðeins með tvö stig eftir þrjár umferðir.

CSKA endaði í öðru sæti deildarinnar í fyrra og þarf heldur betur að rétta úr kútnum til að komast aftur í Meistaradeildarsæti.