Kevin De Bruyne skoraði tvö og Raheem Sterling gerði eitt og var staðan 0-3 í leikhlé. Meira var ekki skorað og þægilegur sigur Englandsmeistaranna staðreynd.

„Við náðum í ótrúleg úrslit en við vorum samt betri í síðasta leik gegn Manchester United. Ég veit að við erum dæmdir útfrá úrslitum en það er mín skylda að meta frammistöðuna, ekki bara lokatölurnar," sagði Josep Guardiola að leikslokum.

Man City minnkar bilið á milli sín og Leicester með þessum sigri og eykur bilið frá Chelsea sem situr í fjórða sæti eftir fjórða tapleikinn í síðustu fimm.

City er fjórum stigum á eftir Leicester og sex stigum á undan Chelsea. Liverpool trónir á toppinum með fjórtán stiga forystu á City.