Knattspyrnudeild ÍR samdi í gær við Andre Solorzano og Facu Scurti en þeir leika með liðinu út tímabilið.
ÍR-ingar féllu úr Inkasso-deildinni síðasta sumar og er að styrkja sig fyrir komandi átök í 2. deildinni en liðið stefnir beint upp aftur.
Liðið hefur síðustu vikur verið með tvo leikmenn á reynslu en það eru þeir Andre Solorzano og Facu Scurti.
Andre er 25 ára gamall og kemur frá Gvatemala og hefur leikið á Spáni síðustu þrjú ár.
Facu er 21 árs gamall sóknarmaður frá Argentínu og eins og Andre þá hefur hann spilað á Spáni síðustu ár.
Þeir gera samning út tímabilið en Facu er nú þegar kominn með leikheimild á meðan Andre neyðist til að hinkra aðeins eftir heimildinni.
Athugasemdir