Barcelona og Bayern náðu munnlegu samkomulagi um Lewandowski í gær og greiðir spænska félagið 50 milljónir evra fyrir leikmanninn.

Lewandowski æfði með Bayern í morgun og kvaddi þar liðsfélaga sína en hann mun ferðast til Bandaríkjanna á morgun og hitta leikmannahóp Barcelona.

Pólski framherjinn er 33 ára gamall og eytt síðustu átta árum hjá Bayern þar sem hann vann allt sem hægt er að vinna hjá félagsliði. Hann hefur verið langbesti sóknarmaður heims síðustu ár og verið kjörinn besti leikmaður heims af FIFA síðustu tvö ár.

Lewandowski gerir fjögurra ára samning við Börsunga en félagið staðfesti þessi tíðindi í dag.