Pavel Kralovec.
„Ég hef aldrei verið sérstaklega vinveittur dómurum. Augljóslega rangir dómar eiga það til að kveikja í manni. Það var of mikið af furðulegum dómum í þessum leik," sagði Einar Örn Jónsson, fréttamaður RÚV, í viðtali við Fótbolta.net í september 2017.
Hann var þá að tjá sig um frammistöðu tékkneska dómarans Pavel Kralovec í 1-0 tapi Íslands gegn Finnlandi í undankeppni HM.
Kralovec fékk ekki góða einkunn frá Íslendingum fyrir frammistöðu sína í þeim leik en íslenska landsliðið átti heldur ekki góðan dag. Þrátt fyrir að hafa misstigið sig í Finnlandi komst Ísland alla leið á HM í Rússlandi eins og allir vita.
Hann var þá að tjá sig um frammistöðu tékkneska dómarans Pavel Kralovec í 1-0 tapi Íslands gegn Finnlandi í undankeppni HM.
Kralovec fékk ekki góða einkunn frá Íslendingum fyrir frammistöðu sína í þeim leik en íslenska landsliðið átti heldur ekki góðan dag. Þrátt fyrir að hafa misstigið sig í Finnlandi komst Ísland alla leið á HM í Rússlandi eins og allir vita.
Kralovec dæmir leik Moldóvu og Íslands í undankeppni EM á morgun. Leikurinn er þýðingarlítill en vonandi mun hann finna sig betur með flautuna.
Kralovec er reynslumikill dómari sem er vanur því að dæma á stóra sviðinu í Evrópu. Þá hefur hann einnig verið að drýgja tekjurnar með því að dæma í Sádi-Arabíu.
Athugasemdir
