Van Hecke gerir nýjan samning við Brighton (Staðfest)

Van Hecke er 23 ára gamall Hollendingur sem gekk til liðs við félagið frá NAC Breda í heimalandinu árið 2020 og var á láni hjá Herenveen og Blackburn tvö fyrstu árin en spilaði 13 leiki fyrir Brighton á síðustu leiktíð og hefur komið við sögu í sjö leikjum á þessari leiktíð.

„Ég er mjög ánægður. Það eru góðir tímar framundan og ég er ánægður með það hvernig hlutirnir eru að ganga núna. Við erum að gera vel í deildinni og í Evrópudeildinni," sagði Van Hecke við undirskriftina.

Brighton tryggði sér sæti í 16 liða úrslitum Evrópudeildarinnar með sigri á Marseille í vikunni.

„Það var stórt afrek, maður fann það frá öllum á vellinum, leikmönnum, starfsfólki og stuðningsmönnunum. Það er frábært að vinna á síðustu mínútunni, það nutu þess allir," sagði Van Hecke.

Van Hecke á að baki 8 u21 árs landsleiki fyrir hönd Hollands en hann vonast til að vinna sér sæti í A landsliðinu fyrir EM í Þýskalandi næsta sumar.

We're delighted to announce that Jan Paul van Hecke has signed a new contract that runs until June 2027! ????

— Brighton & Hove Albion (@OfficialBHAFC) December 15, 2023