Kínverska deildin gæti senn hafist aftur

Deildin átti að byrja í síðasta mánuði, en það var ekki hægt út af kórónuveirunni sem á upptök sín í Wuhan í Kína. Smitum hefur fækkað í Kína undanfarnar vikur og er stefnt á að hefja deildarkeppni þar í næsta mánuði.

Mörg kínversk félög fóru frá Kína til að forðast veiruna, en nú reyna þau að komast aftur til Kína til að forðast veiruna.

Leikmenn og starfsólk félaga geta þó átt von á því að lenda í 14 daga sóttkví við komuna til Kína. Núna snúast aðgerðir stjórnvalda í Kína fyrst og fremst að því að koma í veg fyrir að smit berist frá öðrum löndum.