Aron Skúli er fæddur árið 1998 og uppalinn Bliki en hefur spilað með ÍR og KH síðustu ár. „Aron er hraður, líkamlega sterkur og marksækinn. Hann spilaði sinn fyrsta leik með Kórdrengjum sl. laugardag í 1. umferð Mjólkurbikarsins og skoraði þrennu," segir í tilkynningu frá Kórdrengjum.

Ingvi Þór er fæddur árið 2000 og uppalinn Skagamaður en hann hefur einnig spilað með Selfossi og Skallagrím. „Hann var einn af lykilmönnum Skallagríms í fyrra sem fóru upp í þriðju deild á síðasta tímabili. Bjóðum þessa ungu og fersku drengi velkomna í Kórdrengi." segir einnig í tilkynningunni.