Það eru Stjörnukonur sem eru fyrstar til þess að hampa Svanfríðarbikarnum eða Meistarar meistaranna eins og leikurinn er einnig þekktur sem þar sem þær báru sigurorð af Val eftir vítaspyrnukeppni.
Það var markalaust eftir venjulegan leiktíma en bæði lið börðust fram að síðustu mínútu en markið vildi þó ekki koma og því varð að grípa til vítaspyrnukeppni til að skera úr um sigurvegar þar sem Stjarnan hafði betur.
Lestu um leikinn: Valur 3 - 4 Stjarnan
„Þetta var bara leikur tveggja frábæra liða og bæði lið að sýna góða varnartakta og góða sóknartakta sömuleiðis en svona fer þetta stundum." Sagði Elísa Viðarsdóttir fyrirliði Vals eftir leikinn í kvöld.
Það sem einkenndi leikinn var gríðarleg barátta, hjarta og vilji hjá báðum liðum og því var það nær synd að annað liðið skyldi þurfa að tapa hér í kvöld.
„Svona á þetta að vera þegar það er bikar undir þá á að vera harka, líf og fjör og mér fannst við bjóða uppá góðan leik í dag."
„Við ætliuðum okkur bikarinn í dag alveg klárt mál og við viljum vera að keppa um alla titla sem í boði eru og þessi féll þeirra megin í dag en við eigum tvo eftir ókláraða."
Eins og frægt er þá hefur ÍTF verið svolítið á milli tannana á fólki og þá sérstaklega þar sem mörg vafaatriði hafa fallið gegn knattspyrnu kvenna og mismunandi skoðanir komið í ljós.
„Þetta er kannski bara búið að vera svolítið óheppilegar síðustu vikur og við erum búnar að láta óánægju okkar í ljós en við ætlum að vona að nú liggi leiðin bara upp á við og við séum öll að vinna að því að bæta Íslenskan fótbolta og ég er alveg viss um það að nú tökum við höndum saman og gerum þetta saman sem heild."
Nánar er rætt við Elísu Viðarsdóttur í spilaranum hér fyrir ofan.
