3. deild: Connor afgreiddi KFS

Dalvík/Reynir og KFS áttust við í seinni leik dagsins í 3. deild karla og var staðan markalaus í leikhlé.

Connor Parsons gerði gæfumuninn í síðari hálfleik þar sem hann skoraði tvennu á stundarfjórðungi.

KFS er áfram á botni deildarinnar með þrjú stig eftir sjö umferðir á meðan Dalvík/Reynir er í efri hlutanum með ellefu stig.

Vestmannaeyingar eru í harðri fallbaráttu við ÍH og Tindastól þar sem aðeins eitt stig skilur liðin að í botnsætunum.