Óskar Smári: Stelpurnar eru brjálaðar inn í klefa núna

„Þetta var mjög kaflaskiptur leikur, Þór/KA voru betri í fyrri hálfleik, okkur fannst við vera betri í seinni hálfleik en 0 stig er uppskeran og það er helvíti sárt."

Nadejda Colesnicenco kom inná sem varamaður í hálfleik og Óskari fannst hún breyta leik liðsins til hins betra.

„Við þurftum að fá aðstoð inná miðjunni og aðeins að breyta innan liðsins, okkur fannst þetta ekki nægilega gott í fyrri hálfleik og breytingin tókst vel. Það kom kraftur með Nadejda inn á miðsvæðið hjá okkur sömuleiðis gott að fá Jackie út á kanntinn."

„Breytingarnar í hálfleik skiluðu sér klárlega úti á vellinum en ekki nægilega mikið til að fá markið, það er það sem svíður mest við það."

Það er komin gríðarleg spenna í botnbaráttuna en Óskar er bjartsýnn á að liðið nái sínum markmiðum.

„Við erum ennþá í góðum möguleika að ná okkar markmiðum, Keflavík vinnur ÍBV, við pælum ekki í því, við erum í fullu fangi með okkur sjálf og við fókusum bara á okkur, auðvitað fúllt og pirrandi en við erum bara að fókusa á okkur og í dag fengum við 0 stig og við settum upp að ná í þrjú stig og það er það sem svíður mest.

„Framhaldið er gott, við erum hvergi hættar, stelpurnar eru brjálaðar inn í klefa núna því þeim fannst þær hafa unnið fyrir allavega stigi. Við eigum leik á móti Val í næsta leik og það er bara kassinn út og hakan og mæta Val á fullum krafti og sjá hvort við getum ekki gert skemmtilega hluti þar."