Harry Redknapp segist handviss um að Liverpool verði Englandsmeistari á þessu tímabili, þó að tímabilið sé aðeins átta umferða gamalt.

Hann segir að menn geti opnað kampavínið strax í Liverpool.

„Liverpool verður meistari. Látið þá fá bikarinn núna. Klárt mál, ég er handviss um að þeir vinni þetta. Þeir eru með átta stiga forystu og eru að spila vel," segir hinn reynslumikli Redknapp.

„Manchester City er ekki að spila nægilega vel og hefur tapað gegn Wolves heima og gegn Norwich. Nýlega vann Aston Villa 5-1 sigur á Norwich."

„City hefur tapað tveimur leikjum en hefur enn ekki spilað leik sem á að teljast erfiður. Ég get ekki séð City lyfta bikarnum þetta tímabilið."

Redknapp telur að Pep Guardiola muni leggja áherslu á Meistaradeildina.

„Ef City vinnur eitthvað á þessu tímabili verður það Meistaradeildin. Liverpool hefur unnið þá keppni en vill vinna Englandsmeistaratitilinn."

Útilokar að United endi í topp fjórum
Liverpool heimsækir Manchester United á sunnudaginn. Ole Gunnar Solskjær og lærisveinar eru í tómu basli.

„Ég get ekki séð United enda í topp fjórum, alls ekki. Ég horfði á leikinn gegn Arsenal og það var ekki leikmaður inni á vellinum sem hefði komist í Man United loðið fyrir nokkrum árum," segir Redknapp.

Spurningin

Verður Ísland með á EM 2020?

Já
Nei

Já

598 - 50.94%
Nei

576 - 49.06%

Tweet

Senda a Facebook Hafdu samband Senda frétt Prenta frétt Frétta leit