lau 17. október 2020 11:49
Sæbjörn Þór Þórbergsson Steinke
Pickford stálheppinn þegar hann straujaði Van Dijk
Mynd: Getty Images
Liverpool leiðir 0-1 gegn Everton í hádegisleik úrvalsdeildarinnar. Leikið er á Goodison Park. Átján mínútur eru liðnar af leiknum. Sadio Mane skoraði snemma leiks eftir undirbúning frá Andy Robertson.

Uppfært: Staðan er 1-1 eftr 20 mínútna leik. Michael Keane jafnaði leikinn fyrir Everton.

Jordan Pickford, markvörður Everton, var svo stálheppinn stuttu síðar þegar hann braut á Virgil van Dijk inn á vítateig heimaliðsins. Van Dijk lá eftir og flaggið fór á loft. Rangstaða var niðurstaðan, millimetrar sem björguðu enska landsliðsmarkmanninum frá því að gefa vítaspyrnu.

Tæklingin var ljót og hefði mögulega verðskuldað rautt spjald. Van Dijk þurfti að hætta leik í kjölfarið vegna meiðsla. Joe Gomez kom inn á í stað Hollendingsins.





Athugasemdir
banner
banner
banner
banner
banner