„Gríðarleg vonbrigði“ að Arsenal kallaði Danann til baka
Mika Biereth kom á láni frá Arsenal.
Mynd: Getty Images
Mika Biereth kom á láni frá Arsenal.
Mynd: Getty Images
Stuart Kettlewell stjóri skoska úrvalsdeildarliðsins Motherwell segir það gríðarleg vonbrigði að Arsenal hafi kallað Mika Biereth úr láni hjá félaginu.
Þessi tvítugi danski sóknarmaður er U21 landsliðsmaður og stóð sig vel hjá skoska liðinu. Hann lék fimmtán leiki og skoraði sex mörk.
Þessi tvítugi danski sóknarmaður er U21 landsliðsmaður og stóð sig vel hjá skoska liðinu. Hann lék fimmtán leiki og skoraði sex mörk.
„Mika hefur verið kallaður til baka. Það var erfitt að kyngja þessu og gríðarleg vonbrigði. Þetta kemur okkur á óvart því við ræddum um að Mika yrði hérna út tímabilið. Þannig var staðan í síðustu viku," segir Kettlewell.
Breska ríkisútvarpið segir að Arsenal ætli að lána Biereth aftur en núna til Sheffield Wednesday sem er í fallsæti í ensku Championship-deildinni.
Breska ríkisútvarpið segir að Arsenal ætli að lána Biereth aftur en núna til Sheffield Wednesday sem er í fallsæti í ensku Championship-deildinni.
