Thomas Tuchel, stjóri Chelsea, er bjartsýnn á að liðið geti farið langt í Meistaradeildinni á þessu tímabili.

Chelsea sló Atletico Madrid út í 16-liða úrslitunum í gær eftir 2-0 sigur á heimavelli og samanlagt 3-0.

„Leikmennirnir eru með sérstaka tengingu og svona úrslit gefa þér ákveðið forskot til að afreka sérstaka hluti," sagði Tuchel ánægður eftir leik.


„Það er mjög erfið áskorun framundan því að við erum komnir í 8-liða úrslit. Þetta er stórt skref en það er engin ástæða til að vera hræddur."