„Mér fannst hann nokkuð góður af okkar hálfu, við fengum strax hálffæri í byrjun leiks sem við náðum ekki að klára á markið. Jafnt og þétt tókum við völdin." sagði Kristján Guðmundsson þjálfari Stjörnunnar eftir 1-3 sigur á Aftureldingu í kvöld í Bestu deild kvenna.
Lestu um leikinn: Afturelding 1 - 3 Stjarnan
Var ekki léttir að skora tvö mörk undir lok leiks?
„Já, það er léttir að hafa tekið þrjú stig miðað við hvernig leikurinn spilaðist. Þetta var frekar einfaldur leikur. Við vorum kannski að flækja hlutina aðeins of mikið fyrir okkur þegar við vorum að spila upp völlinn".
Aðspurður hvort tímabilið sé búið að standast væntingar hingað til hafði hann þetta að segja: „Ekki alveg, en við þurfum þá bara að vinna það upp. Við hefðum viljað vera með fleiri stig, við viðurkennum það alveg en frammistaðan oft á tíðum fín. Við þurfum að vera einbeittari í færunum í byrjun leikjanna svo að við séum ekki að draga þetta svona langt út".
Viðtalið má sjá í heild sinni hér að ofan
Athugasemdir