Puscas er 23 ára gamall framherji en hann var næst markahæsti leikmaðurinn á Evrópumóti U21 árs landsliða í sumar.

Hann var á mála hjá ítalska félaginu Inter frá 2013 en ákvað að fara til Reading undir lok gluggans og er þegar byrjaður að heilla.

Puscas skoraði gegn Wycombe Wanderers í enska deildabikarnum á dögunum og er kominn með tvö mörk gegn Cardiff City í ensku B-deildinni í dag en staðan er 2-0 fyrir heimamönnum.

Hann skoraði magnað mark þar sem hann hljóp frá eigin vallarhelming áður en hann fíflaði varnarmann Cardiff og skoraði en hægt er að sjá markið hér fyrir neðan.