Man Utd ætlar að bjóða í Barkley - Varane og Casemiro aftur til Real?
   fim 18. ágúst 2022 09:00
Elvar Geir Magnússon
Sjúkrabíll kallaður út á Hlíðarenda
Hogg var fluttur burt með sjúkrabíl.
Hogg var fluttur burt með sjúkrabíl.
Mynd: Fótbolti.net - Hafliði Breiðfjörð
Bjarni Jóhannsson þjálfari Njarðvíkur telur að Kenneth Hogg muni ekki spila meira með liðinu í sumar. Hnéskel leikmannsins fór úr lið í leik gegn Haukum í 2. deildinni í gær.

„Þetta leit illa út. Það var greinilegt að hnéskelin fór til hliðar," sagði Bjarni í viðtali eftir leik.

Hogg meiddist eftir um klukkutíma leik.

„Leikurinn stopp. Kenneth Hogg er hérna eitthvað mjög illa meiddur. Börurnar komnar inn og miðað við viðbrögð leikmanna lítur þetta mjög illa út. Það er kallað eftir lækni í stúkunni. Hogg lenti mjög illa og væntanlega búið að hringja eftir sjúkrabíl," skrifaði Elvar Geir Magnússon í beinni textalýsingu frá Hlíðarenda.

Leikurinn var heimaleikur Hauka en fór fram á Hlíðarenda þar sem verið er að skipta um gervigras á Ásvöllum.

Hogg var svo fluttur burt í sjúkrabíl. Án hans náði Njarðvík að vinna 2-1 sigur en liðið er komið með níu tær upp í Lengjudeildina. Njarðvíkingar eru á toppi 2. deildar, ellefu stigum frá þriðja sæti, og það má nánast bóka þá upp.
Athugasemdir
banner
banner
banner
banner