Anna Rakel frétti af landsliðsvalinu á Fótbolta.net
Auglýsing
Anna Rakel á landsliðsæfingu í vikunni.
Mynd: Fótbolti.net - Hafliði Breiðfjörð
Anna Rakel á landsliðsæfingu í vikunni.
Mynd: Fótbolti.net - Hafliði Breiðfjörð
„Þetta var ótrúlega gaman en kom mér á óvart ef ég á að vera alveg hreinskilin. Ég er búin að stefna að þessu rosalega lengi og þetta var virkilega skemmtilegt,\" sagði Anna Rakel Pétursdóttir leikmaður Þórs/KA við Fótbolta.net í dag en hún var í fyrsta sinn valin í landsliðshóp Íslands sem mætir Færeyjum í undankeppni HM 2019 á mánudaginn.
„Ég sá þetta bara á netinu,\" sagði Anna Rakel og hélt áfram. „Liðsfélagar mínir sendu til hamingju á mig og ég hafði ekki hugmynd um hvað þær voru að tala um fyrr en ég kíkti á Fótbolta.net og það var mynd af mér fremst, það var smá sjokk,\" sagði hún og sagðist hafa stefnt að landsliðinu síðan hún var smákrakki.
Leikur Íslands og Færeyja á ḿanudagskvöldið er fyrsti leikur Íslands í undankeppni Heimsmeistaramótsins 2019.
„Ég er ótrúlega spennt fyrir þessum leik þetta verður skemmtilegt og krefjandi verkefni. Við þurfum að eiga toppleik á móti Færeyjum og það skiptir engu máli hvort það séu Færeyjar eða Þýskaland. Við þurfum alltaf að eiga toppleik.\"
Leikur Íslands og Færeyja á ḿanudagskvöldið er fyrsti leikur Íslands í undankeppni Heimsmeistaramótsins 2019.
„Ég er ótrúlega spennt fyrir þessum leik þetta verður skemmtilegt og krefjandi verkefni. Við þurfum að eiga toppleik á móti Færeyjum og það skiptir engu máli hvort það séu Færeyjar eða Þýskaland. Við þurfum alltaf að eiga toppleik.\"
