Jordan Ayew, framherji Crystal Palace, var ekki í leikmannahópinum í jafnteflinu gegn Brighton í enska boltanum í dag.
Ayew hafði spilað alla leiki Palace hingað til en á síðustu leiktíð skoraði hann níu mörk í 37 úrvalsdeildarleikjum.
Ayew er mikilvægur partur í liði Roy Hodgson en hann staðfesti í dag að hann hafi verið fjarverandi vegna Covid-19.
„Því miður hef ég verið greindur með Covid-19 og er í sóttkví. Sem betur fer er ég einkennalaus og mér líður vel. Ég mun styðja við strákana úr stofunni," segir í skilaboðum frá Ayew á Twitter.
Ayew missir því af næsta leik liðsins gegn Fulham. Næsti leikur þar á eftir er gegn Wolves 30. október.
Athugasemdir
