Guðmundur Magnússon fyrirliði Fram var að vonum afar ánægður eftir sigur á Selfoss á JÁVERK-vellinum í kvöld.

„ Þetta var flottur leikur heilt yfir, við byrjuðum þéttir til baka og gáfum ekki færi á okkur. Við vitum að ef það er í lagi , þá fáum við alltaf færi og það er okkar að klára það"

Guðmundur hefur verið sjóðandi heitur fyrir framan mark andstæðinganna í sumar og er markahæstur í Inkasso með 11 mörk Aðspurður hvort hann væri með markmið er varðar markaskorun sagði hann að svo væri ekki.
„Nei ég tek bara einn leik í einu, ég kemst alltaf í færi og ef ég skora eitt mark þá tek ég það og ef það eru tvö þá er það fínt."

Fram tekur á móti Þrótt í næstu umferð og verður sá leikur leikinn fimmtudaginn 26. júlí klukkan 19:15.