Jordi Alba, Sergio Busquets, Luis Suarez og Lionel Messi voru allir á sínum stað í byrjunarliði Inter Miami þegar liðið vann nauman sigur á Columbus Crew í MLS deildinni í Bandaríkjunum í gærkvöldi.
Eina mark leiksins kom eftir hálftíma leik en það skoraði hinn tvítugi Benjamin Cremaschi eftir undirbúning Luis Suarez og Marcelo Weigandt.
Inter Miami eer í 3. sæti Austurdeildar eftir átta umferðir, liðið er stigi á eftir Charlotte og Cincinnati og á leik til góða.
Dagur Dan Þórhallsson spilaði allan leikinn þegar Orlando City gerði markalaust jafntefli geegn CF Montreal. Orlando er í 7. sæti með 13 stig í Austurdeildinni eftir níu umferðir.
Athugasemdir
