Malen, Maguire, Rashford, Greenwood, Yoro, Eriksen og fleiri góðir í slúðri dagsins
   sun 20. október 2019 21:45
Guðmundur Aðalsteinn Ásgeirsson
Bandaríkin: Dagný og Portland Thorns úr leik
Dagný í landsleik.
Dagný í landsleik.
Mynd: Fótbolti.net - Hafliði Breiðfjörð
Dagný Brynjarsdóttir og stöllur hennar í Portland Thorns eru úr leik í úrslitakeppninni í bandarísku deildinni.

Portland heimsótti Chicago í kvöld og mætti þar Chicago Red Stars í undanúrslitaviðureign. Í úrslitakeppninni færðu bara eitt tækifæri, bara einn leik sem sker úr um það hvort þú spilar til úrslita eða ekki.

Portland spilar ekki til úrslita eftir 1-0 tap gegn Chicago í kvöld. Ástralski sóknarmaðurinn Sam Kerr skoraði eina mark leiksins eftir átta mínútur.

Dagný lék allan leikinn hjá Portland, en tímabilinu hjá henni er núna lokið.

Chicago mætir North Carolina Courage í úrslitaleiknum, en þessi tvö lið enduðu í tveimur efstu sætunum í deildarkeppninni.


Athugasemdir
banner
banner