Rúnar Már Sigurjónsson.
Miðjumaðurinn Rúnar Már Sigurjónsson er búinn að skrifa undir samning við Voluntari í Rúmeníu.
Rúnar Már yfirgaf Cluj í Rúmeníu fyrr á þessu ári, nánar tiltekið í maí. Hann hefur síðan þá verið félagslaus en það voru fréttir um það síðasta sumar að nafn hans hafi verið á blaði í tölvupósti aðgerðarhópsins Öfgar vegna meintra ofbeldis- og kynferðisbrota.
Rúnar, sem er 32 ára gamall, hefur komið víða við á sínum ferli; hann hefur spilað Svíþjóð, Sviss, Kasakstan og Rúmeníu - auk þess að leika hér heima með HK og Val.
Þá hefur Rúnar spilað 32 A-landsleiki með Íslandi og skorað í þeim tvö mörk.
Hann hefur undanfarna mánuði verið að æfa með ÍA hér heima en heldur núna aftur til Rúmeníu. Voluntari er í níunda sæti rúmensku úrvalsdeildarinnar af 16 liðum.
Athugasemdir
