Svona er dagskráin hjá Man City og Liverpool áður en liðin mætast 7. febrúar

Eins og oft áður þá náði Manchester City að finna leið til að vinna þegar liðið mætti Aston Villa í gær. City hefur verið á öflugu skriði og hélt marki sínu hreinu enn og aftur.

John Stones og Ruben Dias hafa myndað frábært miðvarðapar og þrátt fyrir meiðsli Kevin De Bruyne náði liðið að skora tvívegis gegn Villa.

Það verður hægara sagt en gert að stöðva City á þessu skriði en margir horfa til stórleiksins gegn Liverpool sem fram fer á Anfield þann 7. febrúar.

Hér má sjá leikjadagskrá þessara liða fram að þeim leik. Óhætt er að segja að City eigi nokkuð þægilegt prógramm ef svo má segja, það eru ansi mörg stig í sjónmáli.