Ingólfur er mikill liðsstyrkur fyrir KV en hann lék þrettán leiki í Inkasso-deildinni í fyrra og býr yfir mikilli reynslu úr íslenska boltanum.

Ingólfur, fæddur 1993, er sókndjarfur miðjumaður og lék síðast í 3. deildinni sumarið 2018. Þá gerði hann 10 mörk í 17 leikjum með KH.

Ingólfur á leiki að baki í efstu deild fyrir KR og Val og verður fróðlegt að fylgjast með honum í sumar. Hann æfði með Víkingi R. í vetur og spilaði bæði með Víkingi Ó. og KV í Fótbolta.net mótinu. Hann var í sigurliði KV sem lagði Kórdrengi að velli í úrslitaleik C-deildar.

KV endaði í þriðja sæti í fyrra með 44 stig úr 22 umferðum. Ingólfur á að hjálpa liðinu að komast upp í 2. deild.