Ian Jeffs var tilkynntur sem nýr þjálfari Breiðablik í byrjun nóvember.
Fagna sigri í meistarar meistaranna.
„Ég er virkilega spenntur fyrir föstudeginum. Við erum búin að æfa síðan í byrjun janúar, alltaf bíðandi eftir fyrsta leik. Nú erum við klár í þetta,“ sagði Ian Jeffs, þjálfari Breiðabliks, á kynningarfundi Bestu deildar kvenna í hádeginu.
Breiðabliki var spáð toppsætinu í spá leikmanna, þjálfara og forráðamanna félagana í deildinni. Ian var spurður hvort að hann fyndi fyrir pressu.
„Við erum lið sem höfum unnið deildina síðustu tvö ár og urðum bikarmeistarar í fyrra, það verður alltaf pressa á okkur. Við erum nýtt þjálfarateymi og viljum halda liðinu áfram á sama stað. Þrátt fyrir að það hafa verið margar breytingar á leikmannahópnum þá held ég að við séum á mjög góðum stað. Við erum að reyna þróa þetta lið áfram: bæta okkur og gera hlutina betur.“
„Ég myndi ekki segja að þetta setji aukna pressu á okkur. Ég vissi að pressan kæmi þegar ég tók við sem þjálfari Breiðabliks. Það eru ákveðnar kröfur og væntingar sem fylgja því að vera þjálfari Breiðabliks,“ sagði Ian.
Viðtalið má sjá í heild sinni í spilaranum hér að ofan.
Besta deild kvenna - 1. umferð
föstudagur 24. apríl
19:15 Breiðablik-Þróttur R. (Kópavogsvöllur)
19:15 Víkingur R.-Stjarnan (Víkingsvöllur)
laugardagur 25. apríl
13:00 Fram-ÍBV (Lambhagavöllurinn)
16:00 Valur-Grindavík/Njarðvík (N1-völlurinn Hlíðarenda)
16:00 Þór/KA-FH (VÍS völlurinn)
