„Leikmenn verða að skilja það að við vorum í fallbaráttu stóran hluta síðasta tímabils. Það var ástæða fyrir því að við vorum á þessum stað í töflunni og ef við viljum forðast það að lenda aftur í þeirri stöðu þá verða leikmenn að vera betri, ég verð að vera betri," sagði Lampard.

Everton tapaði 2-0 fyrir Arsenal í fyrri æfingaleik sínum í Bandaríkjunum og mun mæta Blackpool og Dynamo Kiev í æfingaleikjum áður en alvaran hefst.

„Það er mikil vinna framundan. Mestu máli skiptir hvar við verðum eftir tvær og hálfa viku. Ef við ætlum að læra af þessum æfingaleikjum verða menn að skilja að þeir spiluðu mjög illa sem einstaklingar og sem lið, við vorum gjörsigraðir," sagði Lampard.