Selfoss hefur styrkt sig fyrir komandi átök í Bestu deild kvenna á næsta tímabili. Unglingalandsliðskonan Lilja Björk Unnarsdóttir hefur fengið félagaskipti til félagsins frá Álftanesi.
Lilja er sextán ára og skipti í Álftanes frá ÍA í sumar.
Hún á að baki níu deildarleiki á sínum ferli og tvo bikarleiki. Þá á hún að baki sex leiki með U16 og þrjá með U17.
Lilja er sextán ára og skipti í Álftanes frá ÍA í sumar.
Hún á að baki níu deildarleiki á sínum ferli og tvo bikarleiki. Þá á hún að baki sex leiki með U16 og þrjá með U17.
Hún var fyrr í þessum mánuði valin í æfingahóp U17 landsliðsins. Í undankeppni fyrir EM 2023 í síðasta mánuði byrjaði Lilja einn leik og kom tvisvar sinnum inn á sem varamaður hjá U17.
Lilja er fyrsti leikmaðurinn sem gengur í raðir Selfoss frá því að tímabilinu lauk í september.
Selfoss endaði í 5. sæti í sumar, fjórtán stigum frá toppliði Vals og sautján stigum fyrir ofan fallsæti.
Athugasemdir