Gætu þurft að selja mikilvæga leikmenn - Mourinho á leið í viðræður

Ivan Toney (27), sem hefur verið orðaður við Arsenal og Chelsea, ætlar ekki að ýta á það að fá að fara núna í janúar. Hann ætlar sér að klára tímabilið með Brentford. (Mirror)

Newcastle ætlar ekki að selja Kieran Trippier (33), sem hefur verið orðaður við Bayern München, eða sóknarmanninn Callum Wilson (31), sem hefur verið orðaður við Atletico Madrid, í þessum mánuði. (Telegraph)

Trippier og Wilson munu ekki ýta á það að fá að að fara en Bayern mun reyna á Newcastle með betrumbættu tilboði í bakvörðinn Trippier eftir að fyrsta tilboði þýska stórveldisins var hafnað. (Guardian)

Newcastle vill fá 15 milljónir evra fyrir Trippier en Bayern hefur á þessum tímapunkti bara áhuga á að fá hann á láni. (Sport Bild)

Newcastle þarf mögulega að selja brasilíska miðjumanninn Bruno Guimaraes (26) og sænska sóknarmanninn Alexander Isak (24) til að standast fjárhagsreglur. (Football Insider)

West Ham ætlar að einbeita sér að því að fá Kalvin Phillips (28) á láni frá Manchester City eftir að félaginu var neitað um að fá Emile Smith-Rowe (23) frá Arsenal. (Mail)

Jose Mourinho vonast til að vera áfram á Ítalíu eftir brottrekstur sinn frá Roma. Hann er væntanlegur í viðræður við Aurelio de Laurentiis, forseta Napoli, um að taka við Ítalíumeisturunum sem hafa verið í miklum vandræðum á yfirstandandi tímabili. (Times)

Mourinho hafnaði stóru tilboði frá Al Shabab í Sádi-Arabíu. (The Sun)

Crystal Palace er byrjað að teikna upp lista af stjórum sem gætu tekið við af Roy Hodgson ef félagið ákveður að reka hann. Steve Cooper, fyrrum stjóri Nottingham Forest, Julen Lopetegui, fyrrum stjóri Real Madrid og Wolves, Kieran McKenna, stjóri Ipswich, og Bo Svensson, fyrrum stjóri Mainz, eru á meðal þeirra sem koma til greina. (Mail)

Tottenham hafnaði 20 milljón punda tilboði frá Al-Nassr í Sádi-Arabíu í bakvörðinn Emerson Royal (25). Stærra tilboð gæti komið á næstu dögum. (Talksport)

Juventus hefur enn áhuga á Pierre-Emile Hojbjerg (28), miðjumanni Tottenham, en Spurs mun aðeins leyfa honum að fara ef hann verður seldur eða með loforði um að hann verði keyptur næsta sumar. (Sky Sports)

Ben Godfrey (26), varnarmaður Everton, er kostur fyrir AC Milan á Ítalíu en Sheffield United og Leeds eru einnig áhugasöm. (Calciomercato)

Aston Villa hefur hafnað tveimur tilboðum frá West Ham í sóknarmanninn Jhon Duran (20). (Guardian)

Aston Villa leyfir Duran hugsanlega að fara ef félagið nær að krækja í Morgan Rogers (21), kantmann Middlesbrough. Unai Emery, stjóri Aston Villa, hefur einnig áhuga á Hákoni Rafni Valdimarssyni, markverði Elfsborg og íslenska landsliðsins. (Mail)

Liverpool vill fá 20 milljónir punda fyrir Caoimhin Kelleher (25), varamarkvörð sinn, en hann hefur verið orðaður við Celtic í Skotlandi. (Football Insider)

Liverpool mun fá samkeppni um Bilal El Khannouss (19), kantmann Genk í Belgíu, en Atletico Madrid hefur einnig mikinn áhuga á leikmanninum. (Football Transfers)

PAOK í Grikklandi er í viðræðum um að krækja í bakvörðinn Jonny (29) frá Úlfunum. Jonny hefur verið í agabanni frá því í nóvember. (Shropshire Star)

Eintracht Frankfurt í Frakklandi hefur komist að persónulegu samkomulagi við Hugo Ekitike (21), sóknarmann Paris Saint-Germain. (Sky Sports)

Cadiz og Getafe á Spáni hafa gert tilboð í Jonathan Varane (22, hálfbróður Raphael Varane. Norwich og QPR hafa einnig gert tilboð í þennan miðjumann Sporting Gijon á Spáni. (L'Equipe)